ડોનાલ્ડ ટ્રમ્પએ ઈરાન પરના હુમલાને ગણાવ્યું ‘લવ ટેપ’, સીઝફાયર વચ્ચે વધ્યો તણાવ

ટ્રમ્પે કાર્યવાહીને ગણાવી ‘લવ ટેપ’ ઈરાનના કેશમ અને બંદર અબ્બાસ પર અમેરિકાના ભીષણ હુમલા ઈરાની અધિકારીઓએ આરોપ લગાવ્યો છે કે અમેરિકાએ સીઝફાયરનું ઉલ્લંઘન કર્યું છે અને સામાન્ય નાગરિક વિસ્તારોને નિશાન બનાવ્યા છે
અમેરિકા અને ઈરાન વચ્ચે સીઝફાયર હોવા છતાં બંને દેશો વચ્ચે યુદ્ધ જેવી સ્થિતિ સર્જાઈ છે. ઈરાને હોર્મુઝ સ્ટ્રેટમાં અમેરિકન ડિસ્ટ્રોયર (યુદ્ધ જહાજાે) ને નિશાન બનાવીને મિસાઈલ હુમલા કર્યા બાદ અમેરિકાએ આક્રમક જવાબી કાર્યવાહી કરી છે. અમેરિકન સેનાએ ઈરાનના કેશમ અને બંદર અબ્બાસ સ્થિત સૈન્ય ઠેકાણાઓ પર બોમ્બમારો કર્યાે છે. અમેરિકન પ્રમુખ ડોનાલ્ડ ટ્રમ્પે આ હુમલાઓને ‘લવ ટેપ’ ગણાવી ઈરાનને કડક ચેતવણી આપી છે.અમેરિકી સેન્ટ્રલ કમાન્ડના જણાવ્યા અનુસાર, ૭ મેના રોજ જ્યારે અમેરિકન નૌકાદળના ગાઈડેડ-મિસાઈલ ડિસ્ટ્રોયર હોર્મુઝ સ્ટ્રેટના આંતરરાષ્ટ્રીય જળમાર્ગ પરથી પસાર થઈ રહ્યા હતા, ત્યારે ઈરાને ડ્રોન, મિસાઈલો અને નાની નૌકાઓ મોકલીને તેમને નિશાન બનાવ્યા હતા. અમેરિકાએ આ તમામ ખતરાઓને નષ્ટ કરીને ઈરાનના તે સૈન્ય ઠેકાણાઓ પર હુમલો કર્યાે જ્યાંથી મિસાઈલ અને ડ્રોન લોન્ચ કરવામાં આવ્યા હતા. આ હુમલાઓમાં કમાન્ડ એન્ડ કંટ્રોલ સેન્ટર અને ગુપ્તચર સર્વેલન્સ કેન્દ્રોને પણ ધ્વસ્ત કરવામાં આવ્યા છે.ડોનાલ્ડ ટ્રમ્પની પ્રતિક્રિયાટ્રમ્પે સોશિયલ મીડિયા પર દાવો કર્યાે હતો કે અમેરિકાના ત્રણ વિશ્વસ્તરીય ડિસ્ટ્રોયર સુરક્ષિત રીતે પસાર થયા છે. તેમણે કહ્યું કે ઈરાની ડ્રોનને હવામાં જ સળગાવી દેવામાં આવ્યા હતા, જે સમુદ્રમાં કોઈ પતંગિયું પોતાની કબર તરફ જતું હોય તેમ પડતા દેખાયા હતા. ટ્રમ્પે વધુમાં ઉમેર્યું કે ઈરાન કોઈ સામાન્ય દેશ નથી અને ત્યાંનું નેતૃત્વ યોગ્ય રીતે કામ કરી રહ્યું નથી.અમેરિકી હુમલા બાદ ઈરાને તેની રાજધાની તેહરાનમાં એર ડિફેન્સ સિસ્ટમ સક્રિય કરી દીધી છે. ઈરાની અધિકારીઓએ આરોપ લગાવ્યો છે કે અમેરિકાએ સીઝફાયરનું ઉલ્લંઘન કર્યું છે અને સામાન્ય નાગરિક વિસ્તારોને નિશાન બનાવ્યા છે. ઈરાને પણ વળતો પ્રહાર કરવાની તૈયારી દર્શાવી છે. દરમિયાન, સમાચાર મળ્યા છે કે અમેરિકન વિદેશ મંત્રી માર્કાે રુબિયોએ પશ્ચિમ એશિયા માટે ૨૫.૮ અબજ ડોલરના હથિયાર પેકેજને મંજૂરી આપી દીધી છે, જે સૂચવે છે કે સ્થિતિ આગામી દિવસોમાં વધુ ગંભીર બની શકે છે.